За празничниот период пред нас, Pickbox NOW ќе ве снабди со повеќе од 100 филмски наслови со божиќна тематика
Духот на претстојните божиќни празници чекор по чекор се вовлекува во нашите домови, а традицијата на маратонско гледање божиќни филмови е неизоставен дел од празничната рутина. Феноменот на божиќните филмови на кои не можеме да им одолееме може да се објасни на неколку нивоа; психолошко, емоционално и културно.
Зошто ги обожаваме божиќните филмови?
Божиќните филмови, проткаени со чувство на топлина и заедништво, кај гледачите будат носталгија и копнеж за детство. Тие носат приказни и слики кои сме ги гледале како деца, предизвикувајќи чувство на среќа и безбедност.Тие се добредојдено одвраќање од реалноста, бидејќи прикажуваат идеализирани светови исполнети со семејни собири, љубов и добри дела, а токму оваа позитивна енергија нуди пријатно бегство од секојдневните обврски.
Божиќните филмови нè потсетуваат на универзалните вредности, како што се љубовта, проштевањето, добрината и разбирањето, со што ни даваат надеж и порака дека постојат среќни завршетоци.Исто така, тие зрачат со пријатно искуство затоа што сакаме да ги гледаме сместени под ќебе, со чаша топло чоколадо или чај.
Иако Pickbox NOW секогаш носи напнати и интригантни крими приказни, мислевме на сите љубители на божиќните филмови и затоа во следниот период ќе пристигнат повеќе од 100 наслови за празничната сезона.Ви носиме дел од филмовите кои денес можете да ги ставите на вашиот божиќен список.
Дванаесет божиќни предизвици (12 Dares of Christmas)
Тивката празнична сезона на средношколската професорка Елара повозбудлива кога Елара презема 12 божиќни предизвици од нејзината сестра, додека истовремено се обидува да го подготви својот град за божиќната програма за размена со Габриел, тврдоглав професор по француски јазик.
Божиќна инспирација (Creating Christmas)
Харпер, надежна илустраторка, соработува со Кејлеб, сериозен автор на книги. Кога тој инсистира да работи за Божиќ во необично гратче, таа мора да ја искористи прославата на градските празници за да го оттргне од неговата писателска блокада.
Ткаенината на Божиќ (Fabric of Christmas)
Инструкторката по шиење Ејми и пожарникарот Лијам се здружуваат за да направат божиќен јорган за свадбата на сестрата на Лијам, но нивната романса е загрозена од плановите на Лијам да отпатува во Јужна Америка по венчавката.
Божиќ во другиот живот (Take Me Back for Christmas)
По особено обесхрабрувачкиот ден во нејзината локална продавница за сувенири, Рене посакува божиќна желба за поинаков живот.
Божиќни правила (Christmas By the Book)
Авторката на најпродаваната празнична книга се наоѓа среде празничниот хаос кога едно ТВ-шоу ќе ја испрати неа и нејзините деца во рурален град, каде што добива две недели да го пресоздаде магичниот Божиќ од детството опишан во нејзината книга.
Божиќ во Земјата на играчките (Christmas in Toyland)
Аналитичарката на податоци Чарли е испратена во една од продавниците за играчки за да открие зошто продажбата е намалена. Таму го запознава менаџерот Грант, кој го презира корпоративниот живот, а Чарли ќе се обиде да спаси стотици работни места непосредно пред Божиќ.
Божиќен пазар (It Takes a Christmas Village)
Кога изградбата на улица се заканува да ги затвори продавниците во градот, градоначалничката добива идеја за божиќен саем за да ја зголеми продажбата, но за да успее во тоа, мора да го убеди повлечениот Дарси да ја прими во мелницата на неговото семејство, повторно разгорувајќи ги старите расправии и истовремено разгорувајќи романса.
Срце на празниците (Heart of the Holidays)
Откако нејзиниот живот во Њујорк неочекувано ќе се распадне, моќната берзанска брокерка Сем Волас се враќа во нејзиниот мал град за празниците. Таа повторно се поврзува со својата средношколска љубов, која ѝ помага да го разбуди нејзиниот хуманитарен дух и тоа баш во вистински момент.
12 божиќни слатки (Baking All the Way)
Кога Џулија Вилсон, извонредна слаткарка од Чикаго, оди во една пекарница во мал град, позната по медени колачи за да ја надополни својата божиќна книга за готвење со рецепти од целата земја, таа доаѓа во судир со Крис Томпсон, шармантниот, но самобендисан сопственик на пекарницата, кој е скептичен за споделување на неговиот таен рецепт.
Кралска свршувачка за Божиќ (A Royal Christmas Engagement)
Лорен, вредна директорка на маркетинг, почнува да се вљубува во Пол, консултант со кого соработува за да склучи голем договор за претстојната празнична сезона. Сепак, Пол е всушност принцот Едвард Чарлс, член на кралското семејство, преправен во обичен граѓанин.
